مش ناوية تكبري ؟

خناقة صغنطوطة
لأ مش صغيرة و بس
دي كمان واقعية جداااااااااا
جدا جدا جدا
حد فيكو حصلت معاه قبل كده ؟؟
^ـ^

الخناقة أصلاً كانت مسوة عندي من زمان
بس مكنتش داخلة دماغي أوي
دلوقتي جاتلي فكرة عشان كده قلت أنزله
و كمان إيه
مش هاقفلها
عايزة كل واحد فيكو لما يقراها
يقولي لو هو مكان البنت دي
هيعمل إييييييييييييييه ؟

و من الانهايات بتاعتكو هاخترعلكوا نهاية تعجبكوا إن شاء الله في جزء تاني
إيه رأيكم ؟؟
^ـ^

نبدأ بقى

================

تااااااااااااااااااااااني - دي مامتها

في إيه يا ماما ؟؟

يادي النيلة على الكرتون ده ، يا بنتي اعقلي بقى ، عيب على سنك ده

ماله سني يا ماما ؟ و بعدين ماله الكرتون ؟

لا أبداً ، مالوش
بس اللي أعرفه إنك كبرتي

أناااا ؟؟ أنا كبرت ؟ فشر
مين اللي قال ؟

يا بنتي انتي مش عندك 20 سنة ؟

آه عندي ، مش كبيرة يعني أهو

20 و لسه صغيرة ؟؟ أمال هتكبري امتى ؟
يا بنتي اعقلي بقى

أعقل إيه ؟ هو انتي شايفني باجري في الشارع و للا إيه ؟

يا بنتي مين دلوقتي بيتفرج على الكرتون ده ؟

يا ماما يا حبيبتي
ناس كتير كبااااااار بيتفرجوا عليه دلوقتي
لإنه مبقاش زي زمان توم و جيري و بس
لأ ده بيبقى ليه قصة و فكرة و رسمته حلوة
زي أي فيلم عادي

يالهوي يا بنتي ؟ انتي اتجننتي للدرجادي ؟

- يووووووووووووووووو بقى ى ى ى ى .. هو احنا مش هنخلص -
يا ماما يا ماما افهميني
دلوقتي الكرتون مبقاش بتاخد تريقة زي زمان

و لو .. ما تقومي تتعلميلك حاجة مفيدة
قومي ادخلي معايا المطبخ يالا

أدخل فييييييييين ؟؟؟
احنا مش لسه خارجين منه حالاً ؟؟!؟!!!

طب و فيها إيه ؟
ادخلي اعمليلي كوباية شاي ، و اعملي حساب بابا زمانه جاي

زمانه جاي إيه ؟ ده لسه هيخرج من الشغل كمان 10 دقايق
يعني على ما يوصل يكون الشاي اتجمد مش برد

طب اعمليلك


يا ستي أنا مش عايزة شاي
عايزة أتفرج ع الفيلم

قصدك الكرتون

فيلم الكرتون .. حلو كده يا ستي

يووو .. و بعدين معاكي
برضه كرتون ؟؟؟
انتي مش ناوية تكبري ؟؟؟

العريييييس وصااااااااااااااااال

تسمحولي المرة دي أنا اللي أبدأ ؟؟؟
مش مراستلنا الانتحارية يعني ؟؟
لأ .... أنا
أنا بشحمي و لحمي
عايزة أقولكم إني بجد مبسوطة
حاسة إني فعلاً مش قادرة أقول و لا أعبر عن فرحتي
بجد مش لاقية حاجة تعبر
فرحانة لإني حاسة بـ ... ؟؟
أقولكم حاسة بإيه و للا إيه و للا إيه ؟
بحاجات كتيييييييييير أوي
ياااااااااااااه
أحلى حاجة في الموضوع
الموضوع نفسه
لما تحس إنك مستني تفرح بحد و تفرح له هو نفسه
بجد بحب إحساس إن اللي بحبه يبقى فرحان
و بالذات لو مكانته عندي غير

ياااااااااااااااااااه
أحلى أحاسيس
و أخبار
و ناس
 بجد مبسووطة جدااااااااااااااااا
و عشان كده
^ـ^

قررت إني أنا اللي هانقلكم وقائع باقي خناقة العريس
الخناقة اللي مش راضية تخلص
اللي عمري ما هانساها أبداً
لإن وشها عليا
كان حلو أوي ي ي ي ي ي ي ي

يالا بينا
^ـ^
----------------------------------------------------------------

طبعاً الخناقة اللي فاتت قفلت على فتحة البنوتة للباب
خدلك ساتر و يالا بينا
----------------------------------------------------------------

طراااااااااااااااااااااااااخ

آآآآآآآآآآآآآآآ ... بسم الله الرحمن الرحيم

إيه ده مين حضرتك ؟؟

أنا من الخضري

نااااااعاااااااااااام ؟؟

هي ناقصاك انت كمان ؟؟

خضري مين ؟

مـ مـ مـ ..مش انـ نـ نتو اللي طالبين خـ خـ خضار و عيش ؟

لا مش احنا

آسفة ع الإزعاج

و و و وو لا يهمك

فوووووووووووووووووووو

- ده صبي الخضري خد بعضه و طيران على تحت -

تررراااااك

- الباب اتقفل بس بالراحة -
- غريبة مش كده ؟ -


إيه مش العريس ؟؟

لأ مش بسلامته

ده كان صبي الخضري

احم يعني لسه مجاش
ربنا يستر

أييييييواااااااااااااا

ربنا يستر على روحه لما أمسكه في إيدي

كانت الساعة ساعتها 10
دلوقتي الساعة 11:30 مساءً

بسلامته مشرفش يعني

المفروض أفضل ملطوعة لحضرته و للا إيه يعني ؟؟

معلش يا بنتي
زمانه جاي

بقالكو سنة بتقولو زمانـ ....

ترررررررررررررررررررررررررررررررررررررررررن

هو فاكرنا طرش و للا إيه ده ؟

ده لو كان البني آدم اللي بتقولوا عليه عريس هتبقى وقعته فل معايا

طراااااااااااااااااااااااااااااااااخ

- ده الباب تاني متقلقوش خاااااااالص -
- واقف بره واحد لابس بدلة و شيك كده -
- شكله المتعوس إياه -

أااافااااااااااندم ؟؟؟

من فضلك يا مودموازيل .. ده بيت الأستاذ ( ---- ) ؟؟؟

أيوة هو أفندم ؟

في حاجة ؟

أنا كنت واخد معاه معاد

ممكن أقابله ؟؟؟

معادك الساعة كام يا باشمهندس ؟؟؟

9

9 إيه ؟؟

معادي الساعة 9

الصبح ؟؟

أما دمك خفيف يا مودموازيل بشكل .... هههههههه .. لا 9 بالليل

و الساعة في إيدك كام يا أستاذ ؟

محسوبك ( ----- )

و أنا أعمل بيك إيه ؟

الساعة معاك كام ؟؟

هو انتو معندكوش ساعة جوا و للا إيه ؟؟

لا معلش أصلها عطلانة

يا خسارة
أصلي مش بشيل ساعات
طب هي تجيلها كام دلوقتي

تحب تدخل تتفرج ع الساعة بتاعتنا ؟؟؟

أصلها شيك أوي

آه و ماله يا مودموازيل
اتفضلي حضرتك

- يا وقعتك معايا .. بيتنا و تقولي اتفضلي انتي -

- أما نشوف آخرتها معاك -

أهلا أهلا يا عمي .. إزاي حضرتك ؟؟

أ أ أ أ أ أ أ

إيه مالك يا عمي ؟ مكسوف مني و للا يه ؟

ده احنا هنبقى نسايب

لاااااااااا ده انت كده شكلك بتخرف

حضرتك بتقولي حاجة يا آنسة ؟؟؟

لا أبداً العفو .. بكح

أصل بعيد عندك عندي التهاب و برد و اشتباه خنازيري

يا ساتر يا رب

طب و خرجتي من الأوضة ليه ؟؟

عشان أجيب أجل اللي جايلنا

إيه ده ؟؟ هو انتو مستنيين ضيوف ؟؟

طب مش تقولولي كنت أجيبلهم معايا حاجة

أفندم ؟؟؟

خير خير معلش

المهم يا عمي

انتو واقفين ليه ؟؟؟

اتفضلوا اتفضلوا

بص يا عمي

أنا شقتي في المكان --------- مساحتها -------

و عربيتي ------- بس بتتصلح حاليا

و المهرو الشبكة مش أقل من --------------

ها يا عمي قولت إيه ؟

نشيل ؟؟؟؟

هاه ؟؟؟

هاه إيه يا بابا ؟؟؟

نشيل إيه يا بتاع إنت ؟؟؟

هو حضرتك بنته ؟؟؟؟

لأ خالته

تشيل إيه يا بتاع إنت ؟ - آآآي -

فاكر نفسك مين ؟ - آآآآآي -

آآآي ؟؟؟ هو انت لسه شوفت حاجة ؟؟؟؟

- آآآي ده كان صوت العريس -

- أصله بيضرب بـــ .... و للا اتخيلوا انتو بقى كان بيضرب بإيه -

آي آي آي آآآآآآآآآآآآآآآي

الحقووووووووووووووونييييييييييييييييي

الحقوني كمان ؟؟؟؟ انت كمان متعرففش تعمل حاجة عدلة ؟؟؟

يا ماميييي الحقييييييينييييييييي

مامي ؟؟؟

هي حصلت تجيبولي حد بيقولي ماميييي ؟؟؟؟

ماميييي - آآآي - انتي فين يا مامي - آآآآي - تعالي شوفيه و هو بيتعجن يا مامي - آآي -

عشان تعملي الخبيز يا ماميييي - آآي -

يا ماااميييي - آآآآآآآآي -

آآآآآآآآآآآآآآآآآآآآآآآآآآآآآآآآآآآآآي

لا و الله ؟؟؟

طب تعالالي بقى

خد دي

يالهوي يا بت اهمدي

سيبي كرسي السفرة

بلا سفرة بلا كنبة

هاكسره فوق نافوخه يعني هاكسره

يا مااااااااااامييييييي

طرااااااااااااااااااااااااااااااخ

- المرة دي صوت رزعة الباب لما العريس جه يجرررررررررررييييييييييييي -
- كويس برضه ... أهو لحق نفسه -
- عموماً ... 17 غرزة في راسه -

-------------------------------------------------------------

17 بس ؟؟؟؟ انتو بتهزرو ؟؟؟؟
دول 17 ألف ..... آل 17 بس آل
راجعو الخناقة كده
دول 17 بس ؟؟؟
بالبتاع اللي اضرب بيه ده يبقو 17 بس ؟؟؟
و الله ده انتو طيبين أوي

كل عريس

و انتم طيبين

^ـ^

بجد بجد بجد مبسوووووووووووووووووووووووووووطة

أخيرا الخناقة هتتقفل يا جدعااااااااااااااان
و بجد بجد بجد
مبسوووووووووووووووووووووووووووووووووووطة جداااااااااااااااااااااااااااااااا

ألف ميت مليون مبرووووووووووووووووووووك

لولولولولولولووووووي

مبدئيا يعني للي في بالي

^ـ^

 

حبيبة قلبي و هارتي
ربنا يسعدها و يتملها على خير
و كووووووووووووووووووووول البناويت اللي فرحووووووووني الفترة اللي فاتت

بجد بجد
بحبهم كووووووووووولهم

و بجد كمان مرة
مبسوطة بخناقة العريس دي
فعلاً كان وشها عليا حلو بشكل ملوش زي

بجد بحبهااااااااااا
و ياااااااااا رب
الجزء التالت يبقى بحلاوة وشها

بحبكم

يا اللي في بالي

يا أغلى ما عندي

في كل حياتي

بالنسبة للخناقة اللي مش راضية تخلص دي

ادعولي بكرة عندي امتحان
و نفسي بجد آجي منه و أكتب باقي الخناقة
كل مرة أقول أكملها و أرجع في كلامي
أقولكم ليه ؟؟؟
عيني

هههههههههههههههههههههههههههههههه
معلش غصب عني لازم أضحك
أصل الخناقة وشها فظييييييييييع
من ساعة ما نزلت منها الجزء الأولاني بتاع " بقيتي عروسة "
و كل شوية أسمع خبر خطوبة
جواز
كتبت كتاب
فاتحة
كله كله كله
و أنا بقى
أسمع الخبر من هنا
أفتكر الخناقتين دول من هنا
أتقلب على ضهري من الضحك
أترن علقة و تحقيق
" بتضحكي على إيه ؟؟؟ عنك موضوع زي كده انتي كمان و للا إيه ؟؟؟ من ورانا يا خاينة "
و أنا برضه أفضل أضحك
ههههههههههههههههه
طب بذمتكو بقى
ما دام وشها حلو أوي كده ؟
أقفلها ؟
تؤ .. ده اسمه كلام ده ؟؟؟
طب ده حتى أزمة الجواز كانت مستنشرة أوي أوي لحد ما الخناقة دي اتكتبت
يبقى أقطع أرزاق الناس لييييييه بقىىىىىى ؟
و أهو الواحد يبقى نابه ثواب الراسين اللي اطقشوا في بعض برضه يعني
مش احنا اللي وشنا كان حلو عليهم ؟؟
الله
إيه الناس دي ؟؟

المهم إن أنا مش هاين عليا أقفلها لحد دلوقتي
بصوورااحة جوي جوي يعني
في واحدة في نافوخي عايزة أطمن عليها الأول
D:
لالالالالا
اخصصصصصصصص عليكوووووو
لا طبعاً مش أنا
- و لو اني عارفة إن الكلام ده لو ماما قريته هتتخانق معايا أنا شخصياً -
- و هتبقى خناقة على أرض الواقع.. و فيها تطيير رقاب كمان -
D:

المهم
أوعدكم هاحاول أنزل التتر الأخير بكرة
و لو ان قلبي و صوابعيني مش مطاوعنيني خاااالث
^ـ^

ادعولي كده الامتحان يطلع حلو
و البنوتة دي أطمن على خبطتها - يا سلام بقى لو الليلادي
و أنا انزلكو بالتتر على طوووول
^ـ^

بس ادعوا بضميييييييييييييير
- بالذات موضوع الامتحان ده الله يخليكم -



مع تحيات خدمة :


ادعيلي شكراً
و هنيالك يا داعيلي برد الملايكة عليك بلك مثله

اليوم المنتظر

يا مراحب يا مراحب
دي حتة خناقة
مش هاحكي قبلها كتير
اتفضلوا البث الحي المباشر
بس اتخذوا الأول سواتر
3
2
1
Action

--------------------------------------------------------
الساعة 7 صباحاً
المشهد
سرير متكومة عليه بطانية سمك 17 متر لزوم المزاج العالي في النوم
قومي يالا بسرعة
امممممم اممم اممممممممممممم
يا بنتي قومي بقى و خلصيني
اممم مين ؟ في إيه ؟
مين إيه ؟ أنا ماما يالا قومي
مفيش كلية انهرده
كلية مين بس و أنا مالي بيها دلوقتي
فيه إيه طيب ؟
بقولك قومي
هي الساعة كام ؟
الساعة 7 يالا
بالليل ؟ مش معقول نمت ده كله
بالليل مين يا بنتي ؟ الساعة 7 الصبح
طب يالا بقى تصبحي على خير
نعم ؟
يوووه يا ماما سيبيني بقى أنام
تنامي مين ؟ يا بنتي قووووووووووووووومييييي
يوووووووووووووووووووووووووه .. قومي قومي و الساعة لسه 7 الصبح ؟ في إيه ؟ إيه ؟ هيعيدوا زلزال 92 ؟ إيه يعني في إيه ؟
يا بنتي قومي هننضف الشقة
نااااااااااااااااااااااعااااااااااااااااااااااااااااام ... هننضف الشقة الساعة 7 الصبح ؟
آه يا دوب و يا رب نلحق
و كمان يا دوب و يا رب نلحق ؟؟ ليه إن شاء الله ؟ الريس جايلنا انهرده و للا حاجة ؟؟
لأ .. مش الريس .. العريس ؟
مين ؟ يااااااااااا أهلااااااااااااااااااااااااا .. تشرفنا يا فندم و الله كانت زيارة لطيفة و الله .. يا ريت متكرروهاش تاني .. تصبحي على خير يا ماما
قومي يا بت م الشرير و يالا عشان نشتغل
- اللهم طولك يا روووووووح .. طلعلنا منين ده ؟ -
حاضر يا ست ماما
و آآآآآدي قومة .. أفندم بقى
يالا قومي يالا و نشتغل
م الآخر قولي عايزاني أعمل إيه .. خلينا نقصر
بنت .. عموماً ققومي ابدئي الصالة ، اكنسيها و لمعي النيش و الكمبيوتر و التيلفزيون و الترابيزات و الكراسي و خلصيها وادخلي ع البلكونة
يا فرحتي .. حاضر يا ماما
1
2
3
هوووووووووووب
استعنا ع الشقا بالله

- خلصنا الصالة .. دخلنا على معرفش إيه .. ظبطنا إيه ... هوووووووووووف أخيييييييييييييييييييييييراً خلصنا -

آآآآآآآآآآآآآآآآآخ ياااااااااااني
إيه ده إنتي هتقعدي و للا إيه ؟
يا ماما حرام عليكي سيبيني أرتاح شوية
مفيش وقت ، الراجل زمانه جاي كمان 3 ساعات قومي يالا
3 ساعات و مستعجلة ؟؟ إيه الهم ده ؟
بنت .. قومي يالا طلعي أطقم الشاي و العصير والقهوة و الحلو و الجاتوه و الصواني كمان أم إيد دهبي و المنقوشة فضي و التالتة اللي ا ا ا ا  .. مش فاكراها أوي بس طلعيها برضه و لمعيهم و ظبطيهم
هااااااااه
يووووه .. لسه هاعيد تاني .. قومي يالا اتحركي
جررررررررررررررر ..... حاضر حاضر حاااااااااااااااضر


طبعاً المسلسل ه شغال من الساعة 7 الصبح
دلوقتي الساعة 8 مساء
اتفضلوا
D:

هوووووووووووف خلصنا
أيوة كده عروستي حبيبتي
- أخ استر يا رب -
خير يا ماما ؟ عايزة إيه تاني ؟
سلامتك يا حبيبتي
بس ؟؟؟
آه بس يا حبيبتي ، يالا بقى كده أدخلي خديلك دش دافي كده تروقي بيه و أخرجي ظبطي نفسك عشان لما عريسك ييجي تبقي جاهزة
- عريسي .. يا فرحتي -
عريسي مين يا ماما ؟ ده يا دوووب لسه بيقول احم و أنا موافقتش
بس يا بنت متقاطعيش يالا ادخلي خدي دش
حاااااااضر يا ماما
- جررررررررررررررر . آآآآآآآآآآآآآآآآىخ يا نافووووووووووووووووووووخي -

الساعة 8:30 مساءً
أخيراً خلصتي ؟ كل ده في الحمام ؟
- أهلا و سهلا بدأنا -
حد قالك إني راكبة صاروخ ؟
طب يالا بسرعة ادخلي غيري و البسي حاجة كويسة و ظبطي نفسك
أظبط نفسي في إيه ؟ أنا هالبس عادي ؟
عادي ؟ لأ البسي حاجة شيك كده و حلوة
ليه إن شاء الله ؟ و هو أنا ماشية في الشارع بإيه ؟ خيش و للا جلابية مقطعة ؟؟؟
يا بنتي اسمعي الكلام
بصي بقى .. أنا هالبس لبسي العادي ، ده اللي عندي .. أنا زي ما أنا و محدش ليه حاجة عندي
آآآخ ياني منك
انتي برضه اللي تقولي آخ
بتقولي حاجة ؟
لأ أبدا يا ماما بكح ، أصل اللبس بيجيبلي حساسية
ماشي ، اتفضلي

الساعة 9 مساء

هو سيادة الأخ اللي انتو جايبينه ده مش معاده دلوقتي و للا إيه نظامه ؟
آه دلوقتي
أمال فين سيادته ؟ لابس طاقية الاخفا و للا إيه ؟
اصبري بس كده متبقيش مستعجلة
لا مش مستعجلة خالص على فكرة ، بس مبحبش الاستهبال و المواعيد البايظة

الساعة 9:30 مساء

يا مسهل يا رب .. هو جاي من المريخ و للا عطارد ؟
عشان بس نعرف الطريق عامل إيه ؟

يا بنتي أصبري

حاااااااااااضر

الساعة 10 مساء

لاااااااااااااا ده كده بيستهبل أوي
هو فاكر نفسه مين ؟ أنا مش عايزه أشوف وشه و مش هاقابله

يا بنتي اعقلي الله يهديكي زمانه جاي

ينور .. اقعدوا معاه انتو


تررررررررررررررررررررررررن

شوفتي أهو وصل

وصل ؟ طب وسعولي بقى

هتعملي إيه يا مجنونة ؟

هاعمل إيه يعني ؟ هافتحله طبعاً

بس اهدي و خليكي عاقلة

عقل ؟؟ بيجيبوه منين ده ؟ وسعوا ؟
وقعتوا معايا فل الليلادي



طرااااااااااااااااااااااااااااااااااااااااااااااااااخ
- احم ... ده صوت فتح الباب متقلقوش ... البنت مخدتش اعدام -


احم
أما بقى اللي حصل على باب الشقة
فه مرة تانية
أصل بصراحة اللي حصل ...
احم احم
و للا أقولكم
خلوها النوت الجاية
أشوفكم هنااااااك
سلاااااااااااااام
- الحمد لله خرجت المرة دي سليمة 100% أحمدك ياااااااااااااااا رب -
^ـ^

ربنا عرفوه بالعقل

السلام عليكم
على غير العادة
واخدين أجازة
يعني
الدنيا زحمة شغل و ما إلى ذلك و قولنا الناس تريح أعصابها برضه من الخناقات
أول مرة أناقشكم في مشكلة من الحاجات اللي بنعترض - أو ع الأقل أنا باعترض - عليها في شكل طبيعي
كلام عادي مش في صورة خناقة

أكتر حاجة بتستفزني بصراحة في مجتمعنا
إنه بوشين بمعنى كلمة بوشين
يعني تلاقي الواحد يكلمك و يقعد يقنعك فيك بالساعات
و لما تعمل فيها عبيط و مش فاهم و بتتنك
تلاقي يهب فيك و يقولك الجملة الشهيرة :
" يا بني آدم .. ربنا عرفوه بالعقل "
حلووووووووووو أووووي
انقل معايا بقى لجوا بيته
تلاقي ماشي مع أفراد منزله عايش بالأسلوب التالي :
" هو كده "
" أنا قلت كده "
" انتو تسمعوا الكلام من سكات "
و عيش بقى على الكلام ده كله

نفسي بس حد يفهمني سيكلوجية الناس دي
طبعاً مش الكل كده
بس للأسف
وش القفص كده

و عايزة أقولكم حاجة
أنا من أكبر عشاق بلدي بناسهاو و شوارعها و زخمتها
لكن برضه الحكاية تتقال بالعقل
ليه تكيل بمكيالين ؟
ليه كل واحد بيلف الكورة بمزاجه عشان تخدمه نسبة 999% - مش غلطة مطبعية دول ثلاث تسعات و في المية كمان
^ـ^

و كتير كمان بتبقى الحاجات اللي بيتقال عليها " هو كده و خلاص " دي ليها أسبابها المنطقية و العقلية المقنعة جداً
بس الناس بقت عاملة زي البغبغانات
و هووو كداا و خلاااااص .. عندك اعتراض و للاا إيييه ؟
:P
المهم يعني في الآخر أحب أقول


إن ربنا عرفوه بالعقل
و إن أقرب الناس معرفة بيه .. العلماء
بالبحث العلمي و الأسباب المنطقية
مش بــ " هو كده و خلاص "

العريس و للا العيد ؟؟؟

دلوقتي بفكر في حاجتين
أكتب خناقة العريس ؟
و للا أكتب عن العيد ؟
و بما اننا خلاص بكرة العيد
فلازمن و حاتمن و لابدن - عشان القافية بس ^ـ^
نخلي عمو العريس دوة على جنب دلوقتي
و نقول كل سنة و انتم طيبين
و بالعيد متهنيين
واكلين لحمة و فرحانين
و العيد الجاي على عرفات واقفين

عيد سعيد
و كل عام و أنتم بخير
^ـ^
و العيدية هتاخوها متأخر
خناقة العريس
عشان محدش يقولي فين عيديتي
:P