و الله بعودة .. يا أستاذة " دماغي "

ياااااااااااااااه
وحشتني أوي دماغي
جدااااااااااااااااااااااااااااااااااااا
- قريت من كام يوم كتاب هيثم دبور الدستوري و كان بيتريق على تعليقة الحروف دي و كل ما أعملها أفتكره و آآآآآآآآآآآآآآآآآآآآضحك -
:D


المهم بقى
بجد بجد بجد
وحشتني حاجات كتيرة أوي
دماغي
شغل التفكير و الدماغ العالي اللي كنت بعمله
تشغيل المخ
الكتابة و الانطلاقة
وحشني أوي أحس إني زي ما أنا دايماً
حرة منطلقة ماليش حدود
فين ما أعوز دماغي توديني


وحشتني أنا
وحشني أكون أنا
وحشتني الضحكة


بصراحة
خسرت حاجات كتير أوي الفترة اللي فاتت دي
و حاولت أصلحها كتير و مكنتش عارفة
و حاجات مكنتش قادرة
بس آديني بقول يا رب
و هابدأ أحاول أعمل جدول باللي ورايا - رغم إن دي أفشل حاجة ممكن أفكر أعملها في حياتي من أيام إعدادي -
:D :D :D
بس يا ميسر الحال يا رب


شوية كده إن شاء الله و أرجع تاني أنا
أرجع أكتب و أحكي و ألت و أعجن و أخبز كمان
^ـ^


انتظريييييييييييييييييييييييييينيييي




ملحوظة مهمة جدااااااااا
التدوينة دي ليا أنا
كلام مني لـ أنا
^ـ^

نعم ؟؟ .. ج2

فاكرين طبعاً
مش هاتكلم
و هاطلع أجري حاااااااااااالاً
و انتو مع نفسكوا
بس ابقوا طمنوني عليكو بس


--------------------------------------------------


- طبعاً البت الخناقاتية المفترية س متنحة من الكائن اللي أدامها اللي فاكر نفسه سيادة العتريس المتعترس اللي مش ناوي يسيب الكرسي -


نعم ؟؟؟؟


خير يا آنسة في حاجة و للا إيه ؟


انت بتستهبل يا بتاع انت و للا بتسعبط ؟
هو إحنا تحت أمرك و للا إيه ؟
امشي من أدامي أحسنلك و إلا أنا مش مسئولة عن اللي هيجرالك


ليه بس كده ده احنا يا دوب هنقعد في الكافية بس نص ساعة و نقوم على طول


و أنا قولت لأ مش نازلة
عندك البتاعة اللي كانت مدبرة الموضوع و انقلعوا انتو
و انتي يا سها و ربنا لهوريكي بس صبرك عليا


الله الله .. ليه بس كده ؟
دي كانت بس قصدها خير


خير ؟؟؟
و هو انت شكلك ييجي من وراك خير ؟


نعم ؟؟
إنتي هتعكي و للا إيه ؟


و انت مالك انت أعك و للا أظبط
مش كفاية انك حشرت مناخيرك .. استحمل بقى اللي يجرالك


نعم ؟؟


إيه نعم نعم دي ؟
إيه ؟ مبتسمعش ؟  و للا مبتفهمش ؟؟


نعم ؟؟


تاني ؟؟


إيه ؟؟


لا بقى ده انت كده ....
طب و الله لتشوف على إيدي
تعالالي بقى
- يا خراشي .. البت بتطلع إزازة برفان من بتوع سها صاحبتها و بتحدفها ع الغلبان -
طاخ طيخ طوخ طاااااااااااااخ


آي
إيه يا مفترية ده ؟


مفترية ؟
هو انت لسه شوفت حاجة
طب و الله لتشوف


طب بس بس بس


نعم ؟


فيها إيه دي ؟ بقولك بس
أنا ماشي
بس الأول عايز أعرف حاجة


نعم ؟؟ هتكمل استهبال ؟؟


لا و الله
بس ممكن تقوليلي العنوان ؟؟


عنوان إيه ؟؟


أكيد مش عنوان المول يا أستاذة افترا المفترية
هم بصراحة عنوانين
عنوان المحل اللي جبتوا منه إزازة البرفان ده


أفندم ؟؟


آه محل البرفانات
أصل بجد ريحة البرفان دي حلوة
و ممكن أجيب منه هدية لواحدة كده في بالي


الدور اللي فوق تاني محل على الشمال جنب سلم الكهربا


اللي طالع و للا اللي نازل ؟


لأ اللي نازل


تمام أوي ميرسي جداً
ممكن بقى العنوان التاني ؟


عنوان إيه ؟؟


عنوان بيتكو


نعم ؟؟؟

حاجتين جامدين جداً ... و شهر كريم عليكو

كل سنة و انتم طيبين و بكل خير و صحة و سعادة
أينعم متأخرة 5 أيام
- بفرض " مش فرد " إنها المفروض تتقال قبل رمضان بيوم -
بس المهم إنها جت
أنا حاسة إن دماغي وقعت مني في مكان ما في لحظة ما
و أنا مأخدتش بالي فحد خدها
- تقريباً إتنشيت عين محترمة من مدة و من واحدة المفروض صاحبتي و من ساعتها و أنا التوهان بيزيد معايا مرة عن مرة -
حاسة بجد إني ......
هو أنا مالي بيا دلوقتي
سوري سوري
نبدأ م الأول
كله يفتح الكشاكيل و يركز معايا ع البورد


من فترة كده
- تقريباً أسبوع فقط لا غير -
كنت مع واحدة صاحبتي في مول من المولات - و ملكوش دعوة كنا فين إيه الناس الحشرية دي
المهم كنا هنركب من موقف عبد المنعم رياض
طبعاً عارفين إن الموقف في وش المتحف المصري
و إن المتحف المصري قفاه عند التحرير
يعني عند مكتبة عمر بوك استور
أكيد طبعاً فهتوا
و لـللي مفهمش
صاحبتي كانت شوية و هتدعي عليا عشان رجليها وجعتها من كتر المشي
من ... إلى .....
-إيه نعم ؟؟ مش قولتلكوا افتحوا الكشاكيل ؟؟ انقلوا السؤال ده و حلوه يالا -
:P :P :P


الموووهييييييييم
طبعاً طبعاً طبعاً
مقدرتش أفوت اللحظة التاريخية دي اللي أنا كنت مستنياها
و جبت الكتااااااااااااااب أخيييييييييييييييراً
و بجد بجد بجد
الكتاب فوق الوصف
تحفة جدااااا
- هو أينعم إتسرعت من سعره بصراحة -
- لإن بقالي كتير مسمعت الأسعار دي -
- بس بجد جامد -
- و على فكرة اتسرعت لإن سعره قليل أوي و أنا عاملة حسابي على أكتر بمراحل بصراحة نظراً لـ .... و للا بلاش إحراج بقى -
^ـ^


دي حاجة


الحاجة التانية هي المسلسل
اللي أنا كنت مستنياه من قبل رمضان و مش هاقولكم من أول ما شوفت الإعلانات بتاعته
لأ
من أول ما سمعت إنه بيتعمل مسلسل
بجد كنت مبسوطة جدااااا
- رغم إني بكره متابعة المسلسلات في رمضان -
- بس أحلى حاجة في قصته اللي أنا عارفاها أصلاً -
إن كل حلقة بتحكي حاجة مش لازم أكون متفرجة ع اللي قبلها و لا أتابع اللي بعدها
فكده تمام أوي
يعني إن شاء الله اتفرجت على حلقة امبارح
ممكن أعديلي سبعين حلقة و بعدين أتفرج عليه تاني
:D
بس بجد بجد
الحلقة امبارح كانت حلوة جداااااااااا
و مسسسخررررررررررررررررة
فطسنا على روحنا من الضحك
بابا و ماما و أخي العزيز أول ما شافوا اسم المسلسل و الهيصة اللي انا عملتها عشان لقيته قدراً
بصولي حتة بصة
ربنا ما يوقعكوا أدامها أبداً أبداً يا اخواتشي
بصة من قبيل
" ناااااااعااااااااااااااااااااااام ياختي ؟؟؟؟ و ده إيه علاقته باللي كنتي مستنياه من شوية ده ؟؟؟؟؟؟!!!!!!!!!!!!!!!!!!!!!!!!!!!!!!!!!!!"
أصل أختكو كانت مستنية برنامجين بحبهم جداً و باستناهم من رمضان لرمضان عشان أشوفهم
و أجمل ما فيهم انهم على قناة محترمة جدااااا و أنا بحبها جداااا
و مدة كل واحد حوالي ربع ساعة بس
و الاتنين الحمد لله المرة دي ورا بعض
فهي نص ساعة ممتعة و جامدة
و عشان تفهموا أكتر
برنامج مذكرات سائح 4
و خواطر 6
سائح اتكلم عن " عمر المختار "
و خواطر عن الـ " قمرة " و " الحسن بن الهيثم "
فلكم أن تتخيلوا بعد الاتنين دول أتفرج ع المسلسل ده
كنت هترمي من البلكونة
بس الحمد لله
كانو جنبي و انا باتفرج و فطسوا على روحهم معايا من الضحك
و بصولي بصة تانية الحمد لله
" لأ و الله ييجي منك .. بتعرفي تنقي حاجات نضيفة "


ياهوووووووووووووووووووووووووووووووو


مش بقولكوا حاجتين جامدين جداااااااا

و رمضان كريم

^ـ^

نعم ؟؟

جايبالكو حتة خناقة
هتشفي غليلكو من البت المفترية اللي كانت مبهدلة الناس معاها
أكيد فاكريناها طبعاااا
أيييييوووووووووووووووواااااااااااا هيييييييييييي دي
بتاعة خناقات العرسان
- أول خناقة دي مش قادرة أنساها لحد دلوقتي -
^ـ^

الموهيم إني جايبالكم خناقة
فيها اللي ...
طب ما تقروها انتو أحسن
P:

============================================

الساعة 3 الضهر

ألو .. سها ؟!! .. إزيك ؟ بقالي كتير مسمعتش صوتك

آه يا ندلة ما انتي مابتسأليش

ياختي يعني اسم الله انتي اللي بتسألي
و بعدين أنا كنت معكوكة الفترة اللي فاتت دي

ليه إيه اللي حصل ؟
- شغل بنات بقى بعيد عن السامعـ .. احححم -
- بعيد عن القاريين -

أبداً ياختي
كان بيتقدملي ناس

عرسان ؟؟

تقريباً بيقولوا كده ع الوضع ده

و الله و كبرتي و بقيتي عروشة أد الدنيا يا أوختشي

و انتي مالك عجزتي كده ليه ؟؟
ما كان بدري عليكي

هههههههههههههههههههه
طب يالا
هاعدي عليكي كمان ساعة
و عايزين ننزل نروح " .... " مول
إيه رأيك ؟؟

امممممممم
" شوبنج " من بتاع البنات يعني

إيه بتاع البنات دي ؟

و انتي مش بنت و للا إيه ؟

أشك بصراحة
و لو بنات اليومين دول هم المقياس
فأنا من عالم أو كوكب آخر
بيتهيألي "  .... "
- مش هاقولكو أنهي كوكب لإني دي .. و للا أقولكو -
- مش هاقولكو دي كمان -
P:

طب بس بس بس
سيبك من الحوارات الغريبة بتاعتك دي اللي مبتخلصش و اجهزي يالا
أنا مش هاطلع
هتنزليلي و ننجز
أوك ؟

ماشي يا ستي

سلام

سلام

-----------------------

بعد ساعة

إزيك يا خناقاتية ؟ انزلي يالا أنا تحت

ماشي يا سها .. ثواني و أكون أدامك

- بعد سلامات البنات اللي بتاخد ساعتين على ما تخلص -

ها يا ستي إيه أخبارك مع العرسان ؟؟

و لا حاجة يا بنتي

أمال إيه حكاية المشغوليات دي

لا ياستي أبداً
كل ما في الموضوع إن طبعاً زي كل خلق الله
كل مرة لازم ماما تحاول تقنعني نقول من الفجرية تنضيف و كنس و مسح و غسيل
و تنفيض سجاجيد و غسل ستاير و و و و و وووووووو
مواويل كتيييييير

ههههههههه
طب و فيها إيه ؟
عادي جداً يا بنتي


هو إيه ده اللي عادي ؟؟
ليه إن شاء الله ؟
عايشين في اسطبل احنا و للا زريبة ؟
ما البيت نضيف و زي الفل
و بعدين إذا كنتي هتقوليلي طبعاً إن البيت عنوان الناس صحابه
فاللي هييجي ييجي يشوف الحقيقة
لا تزويق و لا مكيجة
مبحبش أنا نظام " أنا لاأكذب و لكنني أتمكيج "

اسمها " أنا لا أكذب و لكن أتجمل "

ما انا عارفة
بس فرقت إيه يعني
و بعدين من غبائها بحب أتريق عليها

ماشي يا ختي اتريقي براحتك
إيه ده الله
بصي البلوزة دي
تعالي ندخل المحل

تعالي يا ستي

--------------------------------

بعد ساعة و نص شوبيز من بتاع البنات إياه ده

بت يا خناقية

خير في إيه يا سها ؟
متقوليليش هتدخلي المحل تاني

لأ بس في حاجة غريبة أوي انتي مش ملاحظه حاجة ؟؟

حاجة إيه يا بنتي انجزي ؟

في واحد ماشي ورانا بقاله ساعة تقريباً

ناااااعااااااااااااام ؟؟؟
مييييين ده إن شاء الله ؟
فينه ؟
- طبعاً حضرتها مبتشمرش بس دي بتلف تدور عليه -

بتعملي إيه يا مجنونة ؟
هو لو كان حد كده و للا كده كنت هاسكتله ساعة

نعم ياختي ؟؟
و انتي ساكتاله الساعة دي كلها ؟؟
بت احنا هنستهبل ؟؟

لا و الله بس شكله محترم و ابن ناس
تفتكري يكون هيتقدم لحد فينا ؟

نعم ياختي ؟
احنا هنهرج ؟
يتقدم ده مين و هو كان يعرفنا منين ؟

بيتهيألي كنت شوفته في الجامعة أو الكلية قبل كده أو حاجة كده يعني

بت
انتي هتستهبلي عليا
شكلك اللي مدبرة الليلة دي
اعترفي بدل ما ...

لالالالا
من غير بدل
بس عشان خاطري اتكلمي معاه مرة كده و للا ...

نعم ؟؟
أتكلم معاه ؟
ليه إن شاء الله ؟
كان من بقية أهلي و قابلته صدفة و أنا مش واخدة بالي و للا حاجة ؟؟

السلام عليكم
- أوبااااا .. الباشا دخل -
- استر يا رب -

و عليكم السلام
خير ؟
نعم ؟؟

خير إن شاء الله
مش حضرتك الآنسة س برضه

أيوة أنا يهمك في حاجة

و الله حكاية يهمني دي ممكن تخليها على جنب شوية
لو حابة كمان ممكن تحطيها حالياً في درج المكتب

نعم ؟؟

خلاص لو مضايقك المكتب حطيها في المكتبة
المهم كنت شايفكو شادين مع بعض
أنا قولت أتدخل ألطف الجو بس

نعم ؟؟

هو حضرِتِك بتتكلمي في التليفون ؟

- ده ماله ده ؟؟ -
اظن سيادتك شايف إنه لأ

أصلك كل كلامك معايا نعم نعم
افتكرتك بتكلمي حد ع الموبايل

نعم ؟؟

رجعنا تاني لنعم و بتاع
بقولكو إيه .. إيه رأيكو اعزمكو على حاجة في الكافيه اللي تحت ؟

نعم ؟؟

نعم تعني أيوة بالعامية
اتفضلوا معايا يالا

--------------------------------------

آن آن آآآآآآآآآآآآآآآآآآآن
تفتكروا الأخ ده هيسلك معاها ؟
هيقدر عليها ؟؟

امممممممممم
رأيي أنا
و أنا مالي
هو مين اللي بيقرا ؟

لاااااا
أنا باكتب
انتو اللي بتقروا
أنا مراسلة انتحارية
انتو المضحون بأعماركم

و أنا أخلع أن بقى من هنا
أحسن أصلي ..
حاسس بسواطير طايرالي
يا لطيف يا لطيف
D:

^ـ^

أحلى خطوبة و أجمل ليلة

9-7-2010
تاريخ مميز

Halim
اسم مكتوب على دبلة

عنوان بيتنا
كان مكان حفلتنا

و كان أجمل ما فيها
ناسها و لمتها

كلام كتييييير كان في بالي
و كنت عايزة أقول حاجات أكتر
بس دلوقتي مش عارفة أقول إيه

عشان كده
حلو كده
^ـ^

9-7-2010
Halim
Marwa
---------- is engaged to ----------
^ـ^

مش هتلاقوها غير هنا
لإنها بتاعتنا
^ـ^
و يا دبلة الخطوبة

خناقات

بقالي كتير مكتبتش خناقة
- اللي هو المفروض إنها أساساً أساس المدونة دي -
بس خير متقلقوووووش خااااالص
في كام خناقة كده بييجوا على بالي
منها واحدة كانت اتقالتلي فكرتها من فترة و لحد دلوقتي معلقة معايا
و غالباً دي هتبقى أول واحدة تنزل قريب
و بفكر أعمل فيها حاجة جديدة
^ـ^
اصبروا بس عليا شوية
أسبوع كده إن شاء الله و أنا أغرقكوا خناقات
- مش أوي يعني ده أنا لسه داخلة المؤبد و لازم أسخن برضه بعيد عن الخناقات و الصداع و كده يعني -
D:

و ادعولي و قولوا يا رب
و أنا قبل الخناقة هاقولكم على حاجة كده
^ـ^

مش مجرد بنوتة .. و لا حتى اميرة لاسعة

أييييوووووووووووة
بالنسبة لأي حد ممكن تكون " بنوتة لاسعة و لابسة تاج إمارة ، لبسته لنفسها محدش إداهولها "
لكن بالنسبة لي أنا هي أكتر من كده بكتير
بنوتة بحبها جداااااااا جداااااااااا و بحب دماغها جداااااااااااا
بحب تفكيرها و معالجتها للأحداث
و تصدقوا إن زاد حبي ليها و شغفي بيها
لما لاقيت كلمة اتوجهت لها ما معناها - مش فاكرة نصها الصريح للأسف بس هي من أتوجرافاتها اللي رفعتها قبل كده
معناها
" بنوتة هادية على أرض الواقع و مش لاسعة أوي "
بجد متعرفوش أثرت فيا أد إيه الكلمة دي لما قريتها
لإن و بكل بساطة
شوفت نفسي
أينعم أنا ع النت مجنونة و لاسعة و طفلة و عاقلة و ساخرة جداااا و حاجات كتيرة و تناقضات في بعضها
بس أول ما حد يشوفني بيعاملني على إني هادية و وديعة و ... بلاش الباقي عشان خاطري
لإني أنا مش مقتنعة بيه بصراحة
D:
- و لما أبقى أقوله لناس معينة الأول أبقى أفكر أقوله علناً بعد كده -
P:
و الله على نظرة اللي أدامي لو عرف إن الشخصية اللي ع النت دي تبقى أنا
بحس في عنيهم نظرة إزبهلال - مش عارفة كده صح و للا إيه نظراً لإنها من اختراع جيلنا اللطشيف -
^ـ^
مش بس كده ده كوكتيل من الصعقة على الصدمة على الذهول على عدم تصديق
و لو كنا كرتون
كان فكهم اللي تحت هيمد للناحية التانية من الكرة الأرضية
D:

البنوتة كمان حابة فيها دماغ موزونة و متزنة
لاسعة لاسعة
بس لاسعة صح

حبيتها أوي كمان لما شوفتها
و اتقابلنا في مكان جميل و بحبه
و سلمنا على بعض في موقع معرفتش إن حد عمل زينا قبل كده
- فاكراه ؟؟ -
D:

بس بجد كان يوم بجد كنت مبسوطة فيه جدااااااا
خصوصاً لما قدرت فعلاً أشوفك بنفسي أدامي
^ـ^
و خدت تعليق لطيف - بجد مش هزار - أول ما شافتني
و على فكرة بحب أوي التعليق الي سمعته منك
^ـ^

بجد بالنسبة لي مش مجرد بنوتة و لا حتى أميرة لاسعة
بالنسبة لي دي سارة
و ده يكفيني

سارة درويش

إحنا موكب الخريجين

إحنا موكب الخريجين

بالفرحة في عيونا جايين

أغنية كنت بذاكر عليها السنة اللي فاتت كل امتحان

و شوية السنة دي

^ـ^

إمبارح الحمد لله كان موعدنا الساعة 12:00:01 ظهراً مع الإفراج اللي كنا مستنيينه من عشريييييييييييين سنة - و نص و كام يوم كمان
:D

امبارح كان آخر يوم في الامتحان

بجد كل مرة ببقى قاعدة لآخر الوقت غلاسة مع اللجنة - لو أنا كنت مخلصة بدري

لكن المرة دي كنت قاعدة أتأمل فيهم - ما عدا اتنين كنت عايزة أقتلهم و الكارثة إنهم من الكلية

بجد عمالة أقول لنفسي

مش هاشوفهم تاني في الموقف ده

و هل هشوفهم تاني أصلاً ؟

معقول الأيام فاتت كده

دي عملت معايا كذا و كذا

و دي كانت كذا

و دي اللي شغالة في كذا

و قاعدة أفتكر في كل حد قابلته من الموظفين في الكلية دي

في الكلية أو في اللجان

بجد كانت لحظات بتوجع أوي

و لما خلصنا كانت نص شعبتي خرجت

- محدش يسألني بقى إيه الشعب دي ده أنا ما صدقت خلاص -

:P

المهم إني لحقت الباقيين و اتصورت معاهم

^ـ^

و كت مبسوطة أوي بدعواتهم ليا

بجد متخخيلوش آد إيه كانت سعادتي و كلهم بيدعولي بدعوة واحدة و يأمنوا ورا بعض من غير اتفاق بينهم

بجد كنت سعيدة جدااا امبارح

كمان لما نزلت و حاولت أجمع باقي الدفعة زي ما قولنا من كام يوم ع المنتدى

- و الحمد لله محدش عبرني غير قليل -

بس في الآخر اتصورت مع أصحابي و شوية من القليلين اللي جم في الآخر

و من أسعد لحظات اليوم

لما كنت أخيييييييييييييييراً

ادام المكتبة اللي بقالي قرن مستنية أدخلها

- و مش هاقولكم حصل إيه قبل ما أدخلها -
:P :P :P

بس بجد لما دخلت حسيت إني توهت
من كتاب لكتاب

و من رف لرف

و من أوضة لأوضة

و في الآخر بقت من مكتبة لمكتبة

امبارح أخييييييراً روحت " عمر بوك ستور " و " دار الشروق "

في طلعت حرب

بجد كنت مبسوووووووطة أوي و أنا وسط الكتب

عايزة أقولكم إني كنت بعدي على نفس الكتاب و نفس الرف سعتلاف مرة

لحد ما اللي في المكتبة بقوا بيبصولي " هي مالها دي مشافتش كتب قبل كده و للا إيه ؟ "

:D

بس الحمد لله بجد مبسوطة أوي
إني خلاص أخيراً اتخرجت
^ـ^
و على أد فرحتي
على أد ما أنا زعلانة إن في ناس كتير عزيزة عليا أوي مش هشوفها تاني
منها د. أنسي - الله يرحمه

بجد فضلت ما يقرب من سنة أستوعب في الموضوع

و بجد بسببه بقيت بموت من الرعب من فكرة إني أمر بالخبرة دي تاني

ربنا يحفظلي كل ناسي يا رب

منهم فاطمة أسوان - ده لقب احنا بناديها بيه لإن الـ " فاطمة " ـات كتير في الدفعة و هي الوحيدة فينا اللي من أسوان

فاطمة محمد

لبيبة

فُـتُـوح

لمياء

كريستين

مارينا و ميري و مادونا

فريدة و فريدة

بجد بحبهم جدااااااااااااااا

و هيوحشوني جدااااااا

و طبعاً في غيرهم كتير

بس دول اللي بجد أكتر ناس هتفرق معايا

لإنهم شعبتي
^ـ^

و من أحلى الحاجات اللي حصلتلي في اليوم كمان
دي

جاتلي هدية في آخر اليوم

^ـ^

يوم جاااااااامد آخر حاجة ... يوم مقتول من الآخر يعني

بعيد عن الخناقات و الكلام ده كله
عايزة أقولكم إن اليوم انهرده بجد كان ممتع جداااااااااااااااااااااااااً
بجد مبسوطة بيه جدا جدا جداً
أول مرة من فترة طويلة أوي أحس بالرضا الشديد و الممتع و اللذيذ عن يوم قضيته
بجد هو ده اليوم اللي كنت بقول عليه
مقطعاه
بجد مفيش لحظة مكنتش بعمل فيها حاجة
الحمد لله
بجد يوم جميل من أوله و جاااامد جدااا
الامتحان الحمد لله كويس
نزلت الأزهر و العتبة لوحدي
- و طلعت شاطرة جداً رغم إحساسي إني اتنصب عليا بس ماما بتقول إني جبت حاجات كويسة و سعرها كويس و لقيت حاجات كمان كانت بنوتاية عسله قايلالي عليها بس وصلتيلها لوحدي يا جدعاااااااان-
و كمااااان شوفت سارة درويش الأميرة البنوتة اللاسعة
و كمان شوفت يعقوب الشاروني
- بجد متتخيلوش الراجل ده بالنسبة لي أسطورة إزاي .. و شكله فعلاً طيب أوي -
فعلاً أقدر أبص بالعشرين -  بس هم حالياً 19 بس نظراً لبعض الظروف التضميدية - إنه كاتب أطفال يا جدعااان
كمان عملتلي مشوارين تحفة بعد ما رجعت البيت و صليت و نزلت مع ماما
^ـ^
يوم حافل مش كده
و ختم باستشارة عسولة مع البنوتاية اللي قولتلكم عليها
^ـ^
بس مانكرش إني كان نفسي أعمل فيه حاجة كمان
بس خير و ربنا يكرمك
- و ده يثبت إن البني آدم ده طماع أوي أوي -
- بس كرم ربنا أحلى و أوسع -
و أنا بصراحة معاه بحب الطمع جدااااااااااا
^ـ^
لإني بحبه
بحب ربنا

انهرده بتاع الكلام ده اللي هو امبارح
يوم الأربع
23 - 6

بجد بجد يعني

بجد بجد بجد
مش عارفة أقول إيييييييييييه
بس اللي أنا عارفاه
إني مبسوطة جدااااااااااا
فاكرين تدوينة " بيقولوا " ؟؟
قولتلكوا في آخرها إني هيبقى عندي زنقتين ورا بعض شبه بعض
عايزة أقولكم حاجة جميلة أوي
إنهم بقوا 4 زنقات روا بعض
3 شبه بعض
و واحدة في النص مختلفة
بجد بجد بجد
مبسووووووووطة جدااااً
إيه ده استنوا
ثااااننننننننننية واحدة
افتكرت حاجة كمان
لما اخلص الأربعة دول
هتيجي واحدة تانيــ ... احححم
واحدة خامسة وراهم

بذمتكوا مش أفرح بقى
^ـ^

بجد مبسووووووووووووووطة

الحمد لله

^ـ^

اخلص بقى

اخلص بقى 

P: P: P:

يا رخامتك .. مش ناوي تخلص بقى و للا إيه ؟؟

لأ مليش مزاج

مش بمزاجك ، لازم تخلص

مش هاخلص

يا رزل إخلص بقى يا بااااااااااي

عاجبك مش عاجبك أنا كده
و غصب عنك كده برضه

يا رب .. يا رب
يا رب عديها على خير يا رب بدل ما أروح فيها
بسم الله نبدأ من تاني



اتفضلي ابدأي

- بعد ساعة -

أنا هاولع فيك و هاقطعك و هارميك في الشارع ... اخلص بقىىىىى

لأ مش خلصااان P: P: P:

 

فاخوني يا عاااااااااالم

طب و الله لانت خلصان انهرده يعني خلصان انهرده

الامتحان بعد بكرة و بكرة لازم يبقى مراجعة

و ماله ؟؟ جربي

متخلينيش أقوم أجيب الكبريت

اتلم و اخلص بقى

 

تصدقي صعبتي عليا

بس و لو .. مش خلصان

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه

ده انت مستفز

أجيبك يمين أجيلك شمال مفيش

طب عشان خاطر الحبر اللي انت مكتوب

عشان خاطر الورق بتاعك

عشان خاطر الصورة العسل اللي على غلافك

إلهي يا شيخ يحبب فيك الطلبة اللي جاية بعدينا

اخلص يا كتاب يا سكر و يا أحلى كتاب في أحلى كلية لأحلى امتحان

امممممممممممممم

ممكن أفكر .. صعبتي عليا بجد

ناااااااااااااعاااااااااااااااااااااااام

الامتحان بعد بكرة يا بتاع و تقولي أفكر

طب صبرك عليا

و الله لنشوف مين هيمشي كلامه ع التاني بس أخرج من اللجنة بس

إما قطعتك .. أقطعك ده إيه ؟ ده أنا هاخلي كل تنتوفة ورقة منك في بلد

ده أنا هاعدي ع البنزينة مخصوص عشانك

ده أنا هاجيب علبة حبر أسود بيها وشك و ورقك

ده أنـــ ........

وشششششششششششششششششششششششششششششششش

------------------------------------------------------------------------------------

نعتذر لكم سيادة المتابعين
نظراً إن خلاص الامتحان بقى بكرة و مضطرين لقطع الإرسال

أصل بعيد عنكو و عن كل السامعــ ... احم القاريين

بكرة عندي امتحااااااااااااااااااااان
اهئ اهئ اهئ اهئ اهئ

دعواتكو بقى

طوارئ !!!!!!!

لو أطول أحط بعد الكلمة دي ألف و مليون علامة تعجب هاحطها
و لو أقدر أزود هازود
يعني إيه ؟؟
يعني إيه قانون طوارئ ؟؟
يعني إيه قانون ضد الإرهاب ؟
انتو فاكرين نفسكو مين ؟؟؟
هو انتو ماشيين بالدستور لما يخدمكو ؟؟؟
و لما يبقى لينا حق يولع الدستور ؟؟
انتو مين أصلاً ؟؟؟


يعني إيه قانون بإمضا يتطبق
و بعد مليون سنة نفتكر
" إيه ده ؟ تصدقوا احنا لسه مطبقين القانون ده ؟؟؟ "
لا و الله ؟؟؟؟؟؟؟؟!!!!!!!!!!!!!!!!!!!!!!!!!!!!!!


يعني إيه أبقى قاعدة في أمان الله ألاقي اللي دخل علينا يقولنا بطايقكو
طب تبقى تفكر تقول كلمة
مش معايا بطاقة ... و لو مش عاجبك
مش مطلعاها
و انت مجبر توصلني معززة مكرمة لحد ما أجيبها و تشوفها


و حتى لو معايا
انت مين أصلاً ؟؟
بأي حق تقول طلعوا البطايق ؟؟
مين إداك الملك ؟
ده يا دوب حتة عروسة
و للا بلاش عروسة دي عشان حاساها أرقى منك
على الأقل بتتقال على ألعاب البنات و على البنات نفسهم و أكيد انت مش هتوصل حتى للدرجة دي


ده يا دوب حتة فتلة بيلعبوا بيها
- و لو ان الفتلة برضه مفيدة ما علينا ربنا يستر و الفتلة مترفعش عليا قضية لإن أكيد هتكسبها -
- لو رفعتها بره أكيد مش هنا -
لكن مش لاقيه كلمة أوصفهم بيها


يعني إيه نتولد و نعيش في ظل حكم قانون الطوارئ ؟
يعني إيه ناس إتولدت و عاشت و ماتت بالطوارئ ؟
يعني إيه ناس مالهاش حق تدخل و تعمل ده كله
- بالمناسبة اللي ليه الحق في تطبيق القانون و التفتيش و خلافه في نص القانون .... القوات المسلحة -
يعني وزارة الدفاع
مش الداخلية


و سمعنا السلام العسكري
و تحيا عزبة أصحاب البلد


- تصفيق حاد ... طبعاً -
- إلا قولولي بالمناسبة صحيح -
- هي الناس كانت بتشتكي من عاطف عبيد ليه ؟؟؟ -


و ليكي مني سلام تاني يا .... بلد
الفاااااتحة


أنا اسمي خالد محمد سعيد

بيقولوا

بيقولوا كلام كتير أوي

و للأسف مضطرة أعمل بالإشاعات المغرضة لمدمرة اللي بيطلعوها دي

أول إشاعة بتقول

إن امتحاناتي هتبدأ يوم الحد الجاي 6\6 - اللي هو بعد بكرة ده
و على أساسه فأنا المفروض أحترم نفسي و أطفي الجهاز و أبطل آخد بريكات في النص - جمع بريك D:




تاني إشاعة بتقول
إن الأنتيفيروس اللي ع الجهاز عندي - اللي مش عارفة أدعي عليه بإيه

فاضله يومين أو تلاتة و الرخصة بتاعته تخلص - بذمتكو ده وقته منه لله

و بما إني قاعدة على جهاز مينفعش أخاطر بيه

فأنا مضطرة أقول إني - و نظراً للأوشاعتين دول - مضطرة إني أغييييييييييييييييييييييييييييييييييييييييييييييييييييييييييييييييييييييييييييييييب

احتمال لحد 27\6 و عليكو كل خير
و احتمال 27\6 ده أدخل أشقر عليكو و أسلم و أفلسع تاني
عشان بصراحة يعني بقى
مش هابقى فاضيالكو انتو و الخناقات بتاعتكو دي
خناقات إيه دي يا ناس مش تعقلوا بقى ؟؟
تؤ .. إيه الناس المتخانقة دي ؟؟

احم
طب خلاص خلاص خلاص
و الله ما تزعلوا نفسكو
خناقات زي الفل و ميت ياسمين كمان
بس متنسوش أهم حاجة

إيه في إيه ؟؟؟
مش فاضيالكو ليه ؟؟
خشوشيات بقى يا أخي انتو مالكو

إيه الناس الحشرية دي

عموماً و مبدئياً
ملخص اللي جاي
زنقة الامتحانات

و بعدين زنقتين خبط لزق في بعض ورا بعض و زي بعض

- حلوة البعضات الكتيرة دي مع بعض -
:))))))

المووووووووهيييييييييييييييييييييم
متنسوش دي
^ـ^

ادعيلي شكراً
و يا باختك برد الملايكة عليك بلك مثله

وادعوا بضمير عشان ربنا يتتم كل حاجة على خير
و يبقى ختامها مسك
و أبقى زي دي

^ـ^

وسعوووووووووووووا يا جدعااااااااااااااان

وسعوووووووووووا يا جدعاااااااااااااان
و لا تقولولي خنقة بقى و لا امتحانات و لااااااااا الهوا
سماااااااااااااااع هووووووووووووووووووووووووووووووس

....................................... تن

أيوة كده
أرمي الإبرة أسمع رنتها
^ـ^

الموووهيييييييييييم يا رجاااااااااااااااالة
صاحبتي دو .... احم

صاحبتي ضحى يا جماعة

و بفضل الله و الحمد لله

ولدت و جابت بنوووووووووووووووووتة
ألللللللللللف ألللللللللللللف ألللللللللللللف مبروك يا ضحى
بجد مبسوووووووووووووووووووووووطة جدااااااااااااااااا متتخيلوش إزاي

رغم إن ضحى ملناش تعامل قوي أوي مع بعض خصوصاً السنة دي
بس سبحان الله
ليها معزة و غلاوة و محبة في قلبي
ملهاش تفسير غير
" الأرواح جند من جنود الله ، ما تعارف منها ائتلف ، ...... "

بجد بجد مبسوطة و ربنا يبارك في المولودة و يرزق أهلها و أبويها برها و يجعلها قرة عين لهما

مبروووووووك مبرووووووووووك .. و قوللي هالوردة

بجد انهرده - بالنسبة لي لحد الساعة خمسة و نص تقريباً - كان من أحلى أيام حياتي

لإن و بكل فرح و انبساط

أحب أقولكم

إن إنهرده كان

كتب كتاب واحدة من أعز و أغلى الناس عندي و أقربهم لقلبي

بجد مش عارفة أقول إيه

بس هاكتفي باللي النبي عليه الصلاة و السلام علمهولنا

- بارك الله لكما و بارك عليكما و جمع بينكما في الخير -

و

- و عقبال الفرح إن شاء الله يا أغلى فراشة في حياتي -

بجد متتخيليش سعادتي عاملة إزاي

بس اللي ضايقني بس

- و بس دي كتييييرة أوي لدرجة إني لحد دلوقتي مش طايقة أمسك حاجة للكلية و للا حتى إني أفكر أنام -

إني في الآخر و على آخر نص ساعة

المشروع فشل و الهانم اللي كانت هتيجي معايا و الموضوع مشروط بإننا رايحين جايين سوا

باباها في الآخر قلب و قال لأ

لإن حضرتها مكنتش قايلالهم ع المكان هيبقى فين

و المكان منكرش بعيد أوي
بس الدائري موجود
- و هو ده سبب المشكلة -

يا جدعان مش كلها طرق و شوارع ؟؟؟؟

أنا مش فاهمة ماله الدائري
يعني ما شاء الله المحور اللي مفيش عليه حوادث ؟؟؟
لا إله إلا الله
بس بجد
مش مسامحة كل حد انهرده كان سبب في إني ماحضرش كتب كتابك
و بجد بجد بجد

كان نفسي أحضر و أكون معاكي انهرده

لإني فعلاً بحبك يا ... فراشتي

خبر أحلى من السكر

ليكو عندي خبر أحلى من السكر و العسل و كل حاجة حلوة في الدنيا

خبر خلاني طايرة في السما

و إن شاء الله أفولكم عليه آخر الأسبوع
و إن شاء الله ربنا يتمه على خير و أنا آجي أقولكم و أعملكم أحلى حفلة
^ـ^
ربنا يكرم و ييسر الأمور

^ـ^

و ألف مبروك لأحلى فراشة في حياتي