RSS
أهلاً و سهلاً بكم في نشراتنا الإخبارية لخناقات البنات ... كل خناقة و فيها رسالة أتمنى توصلكم ... و نتمنى لكم خناقات آمنه ... مع تحيات ... بنوتة

الأربعاء، 3 فبراير 2010

العريييييس وصااااااااااااااااال

تسمحولي المرة دي أنا اللي أبدأ ؟؟؟
مش مراستلنا الانتحارية يعني ؟؟
لأ .... أنا
أنا بشحمي و لحمي
عايزة أقولكم إني بجد مبسوطة
حاسة إني فعلاً مش قادرة أقول و لا أعبر عن فرحتي
بجد مش لاقية حاجة تعبر
فرحانة لإني حاسة بـ ... ؟؟
أقولكم حاسة بإيه و للا إيه و للا إيه ؟
بحاجات كتيييييييييير أوي
ياااااااااااااه
أحلى حاجة في الموضوع
الموضوع نفسه
لما تحس إنك مستني تفرح بحد و تفرح له هو نفسه
بجد بحب إحساس إن اللي بحبه يبقى فرحان
و بالذات لو مكانته عندي غير

ياااااااااااااااااااه
أحلى أحاسيس
و أخبار
و ناس
 بجد مبسووطة جدااااااااااااااااا
و عشان كده
^ـ^

قررت إني أنا اللي هانقلكم وقائع باقي خناقة العريس
الخناقة اللي مش راضية تخلص
اللي عمري ما هانساها أبداً
لإن وشها عليا
كان حلو أوي ي ي ي ي ي ي ي

يالا بينا
^ـ^
----------------------------------------------------------------

طبعاً الخناقة اللي فاتت قفلت على فتحة البنوتة للباب
خدلك ساتر و يالا بينا
----------------------------------------------------------------

طراااااااااااااااااااااااااخ


آآآآآآآآآآآآآآآ ... بسم الله الرحمن الرحيم

إيه ده مين حضرتك ؟؟

أنا من الخضري

نااااااعاااااااااااام ؟؟
هي ناقصاك انت كمان ؟؟
خضري مين ؟

مـ مـ مـ ..مش انـ نـ نتو اللي طالبين خـ خـ خضار و عيش ؟


لا مش احنا
آسفة ع الإزعاج
و و و وو لا يهمك

فوووووووووووووووووووو
- ده صبي الخضري خد بعضه و طيران على تحت -



تررراااااك
- الباب اتقفل بس بالراحة -
- غريبة مش كده ؟ -


إيه مش العريس ؟؟

لأ مش بسلامته
ده كان صبي الخضري


احم يعني لسه مجاش
ربنا يستر


أييييييواااااااااااااا
ربنا يستر على روحه لما أمسكه في إيدي


كانت الساعة ساعتها 10
دلوقتي الساعة 11:30 مساءً



بسلامته مشرفش يعني
المفروض أفضل ملطوعة لحضرته و للا إيه يعني ؟؟

معلش يا بنتي
زمانه جاي

بقالكو سنة بتقولو زمانـ ....
ترررررررررررررررررررررررررررررررررررررررررن


هو فاكرنا طرش و للا إيه ده ؟
ده لو كان البني آدم اللي بتقولوا عليه عريس هتبقى وقعته فل معايا
طراااااااااااااااااااااااااااااااااخ
- ده الباب تاني متقلقوش خاااااااالص -
- واقف بره واحد لابس بدلة و شيك كده -
- شكله المتعوس إياه -



أااافااااااااااندم ؟؟؟

من فضلك يا مودموازيل .. ده بيت الأستاذ ( ---- ) ؟؟؟

أيوة هو أفندم ؟
في حاجة ؟


أنا كنت واخد معاه معاد
ممكن أقابله ؟؟؟
معادك الساعة كام يا باشمهندس ؟؟؟

9


9 إيه ؟؟

معادي الساعة 9


الصبح ؟؟


أما دمك خفيف يا مودموازيل بشكل .... هههههههه .. لا 9 بالليل


و الساعة في إيدك كام يا أستاذ ؟


محسوبك ( ----- )


و أنا أعمل بيك إيه ؟
الساعة معاك كام ؟؟


هو انتو معندكوش ساعة جوا و للا إيه ؟؟


لا معلش أصلها عطلانة


يا خسارة
أصلي مش بشيل ساعات
طب هي تجيلها كام دلوقتي


تحب تدخل تتفرج ع الساعة بتاعتنا ؟؟؟
أصلها شيك أوي


آه و ماله يا مودموازيل
اتفضلي حضرتك


- يا وقعتك معايا .. بيتنا و تقولي اتفضلي انتي -
- أما نشوف آخرتها معاك -


أهلا أهلا يا عمي .. إزاي حضرتك ؟؟


أ أ أ أ أ أ أ


إيه مالك يا عمي ؟ مكسوف مني و للا يه ؟
ده احنا هنبقى نسايب

لاااااااااا ده انت كده شكلك بتخرف


حضرتك بتقولي حاجة يا آنسة ؟؟؟


لا أبداً العفو .. بكح
أصل بعيد عندك عندي التهاب و برد و اشتباه خنازيري


يا ساتر يا رب
طب و خرجتي من الأوضة ليه ؟؟


عشان أجيب أجل اللي جايلنا


إيه ده ؟؟ هو انتو مستنيين ضيوف ؟؟
طب مش تقولولي كنت أجيبلهم معايا حاجة


أفندم ؟؟؟

خير خير معلش
المهم يا عمي
انتو واقفين ليه ؟؟؟
اتفضلوا اتفضلوا

بص يا عمي
أنا شقتي في المكان --------- مساحتها -------
و عربيتي ------- بس بتتصلح حاليا
و المهرو الشبكة مش أقل من --------------
ها يا عمي قولت إيه ؟
نشيل ؟؟؟؟


هاه ؟؟؟


هاه إيه يا بابا ؟؟؟
نشيل إيه يا بتاع إنت ؟؟؟


هو حضرتك بنته ؟؟؟؟


لأ خالته
تشيل إيه يا بتاع إنت ؟ - آآآي -
فاكر نفسك مين ؟ - آآآآآي -
آآآي ؟؟؟ هو انت لسه شوفت حاجة ؟؟؟؟


- آآآي ده كان صوت العريس -
- أصله بيضرب بـــ .... و للا اتخيلوا انتو بقى كان بيضرب بإيه -


آي آي آي آآآآآآآآآآآآآآآي
الحقووووووووووووووونييييييييييييييييي

الحقوني كمان ؟؟؟؟ انت كمان متعرففش تعمل حاجة عدلة ؟؟؟

يا ماميييي الحقييييييينييييييييي


مامي ؟؟؟
هي حصلت تجيبولي حد بيقولي ماميييي ؟؟؟؟
ماميييي - آآآي - انتي فين يا مامي - آآآآي - تعالي شوفيه و هو بيتعجن يا مامي - آآي -
عشان تعملي الخبيز يا ماميييي - آآي -
يا ماااميييي - آآآآآآآآي -


آآآآآآآآآآآآآآآآآآآآآآآآآآآآآآآآآآآآآي


لا و الله ؟؟؟
طب تعالالي بقى
خد دي


يالهوي يا بت اهمدي
سيبي كرسي السفرة


بلا سفرة بلا كنبة
هاكسره فوق نافوخه يعني هاكسره


يا مااااااااااامييييييي

طرااااااااااااااااااااااااااااااخ
- المرة دي صوت رزعة الباب لما العريس جه يجرررررررررررييييييييييييي -
- كويس برضه ... أهو لحق نفسه -
- عموماً ... 17 غرزة في راسه -

-------------------------------------------------------------

17 بس ؟؟؟؟ انتو بتهزرو ؟؟؟؟
دول 17 ألف ..... آل 17 بس آل
راجعو الخناقة كده
دول 17 بس ؟؟؟
بالبتاع اللي اضرب بيه ده يبقو 17 بس ؟؟؟
و الله ده انتو طيبين أوي



كل عريس
و انتم طيبين
^ـ^

6 التعليقات:

dandana يقول...

امممممممممممممممم
حلوة يا بنوته بس كنت متخيلها احمى من كدا
انتى مش بتشوفى الخناقات اللى هى ولا ايه
يلا عوضيها الخناقه التانيه

بنـوتــــة يقول...

هههههههه
اوعي تقوليلي مضحكتيش يا دونا
أزعل
:(
أصل بيني و بينك
الخناقة دي بقى ليها مكانة في قلبي
مش قادرة أعمل فيها مشكلة كبيرة

بس و لا يهمك
أظبطلك إن شاء الله خناقة معتبرة من اللي قلبك يحبهم
و أعوضك
;)

dandana يقول...

ههههههههههههههههههههههههه
لا حلوة يا بنوته
بس يعنى مش شوفت دم ولا قطع بنى ادمين بطير :(

بنـوتــــة يقول...

هههههههههههه
يا طيبتك يا بنتي
ماشي يا ستي
عيني
عموما في خناقات كتيييييييييير بيبى ضروري فيها الكلام ده
;)

محمود المصري يقول...

بجد فطست علي نفسي من الضحك
بجد تحفه تحفه ..
اول ما وصلت لحته انتي خالته ده ..
انفجرت من الضحك ..
بجد تسلم الخناقات الجامده ده ..
جمييييله

بنـوتــــة يقول...

بمجرد الإيحاء فطستني أنا كمان من الضحك
أي خنا.... احححم
أي خدمة
D:
تسلم يا محمود
^ـ^

إرسال تعليق

 
2009 خناقات بنات Powered by Blogger
Blogger Templates created by Deluxe Templates
Wordpress by Ezwpthemes. تعريب و تطوير : حسن