RSS
أهلاً و سهلاً بكم في نشراتنا الإخبارية لخناقات البنات ... كل خناقة و فيها رسالة أتمنى توصلكم ... و نتمنى لكم خناقات آمنه ... مع تحيات ... بنوتة

الجمعة، 2 أبريل 2010

اتنين .. 2

فاكرين آخر حاجة
كانت من قريب
و آدي الجزء التاني من حدوتة الاتنين
أسيبكو و أخلع أنا
و أنا مالي أنا يا عم
أنا واحدة عايزة تعيش سليمة
D:


-------------------------------------------------




مساء الخير يا ماما
- ده بعد ما صحيت من النوم الحمد لله -


مساء الفل يا حبيبتي

- آه يا خوفي من حبيبتي دي ... ربنا يستر -
هاه يا ماما .. احكيلي و اشجيني


أحكيلك إيه ؟


لا أبداً
أصل بعيد عنك يعني .. و أنا نايمة في أمان الله
لقيت اللي بيصحيني و بيتحفني بإن في عريس جاي
لأو إيه كمان
طلعوا اتنين مش واحد بس كمان شوفتي بقى


أيوة يا حبيبتي .. في اتنين متقدمين لك و كل واحد طبعاً عايز يقعد معاكي


طيب خير خير خيييييييير إن شاء الله .. و أكيد طبعاً كالمعتاد اتفقتوا معاهم من ورايا


لا يا حبيبتي طبعاً .. ما دام بتضايقي يبقى انتي اللي تحددي المعاد


حلو أوي يا ريت يبقى المعاد في البطيخ


نعم ؟؟ قولتي حاجة ؟
- أصلها قالتها بصوت خافت بس انتو مأخدتوش بالكم بس -


لا أبداً .. بقول يشرفونا إن شاء الله
ممكن يوم الخميس الجاي ده إن شاء الله الساعة 9


طب ده واحد و التاني ؟؟!!؟


لا يا حبيبتي .. دول الاتنين ييجوا مع بعض




ناااااااااااااااعااااااااااااااااااااااام ؟؟؟؟


----------------------------------------


ههههههههههههههههه
إيه رأيكم ؟
أول مرة مامة البنوتة بتاعتنا هي اللي تصوت مش كده ؟
يعني قولت تغيير
بس إيه رأيكم في المفاجأة دي ؟
D:
اضحكوا كركروا بقى
و احلموا و تخيلوا إيه اللي ممكن يحصل .. لما عريسين يقابلوا بعض في بيت بنت واحدة هم الاتنين متقدمينلها
D:
و استنوا الكارثة الكبيرة بقى
بس متنسوش المرة الجاية - أهم حاجة - تبقوا لابسين ملابس مصفحة و نضارات حديدية لزوم الحماية
أوك ؟
^ـ^

1 التعليقات:

محمود المصري يقول...

ههههههههههه
والله انتي تحفه ..
وكتاباتك تحفه ..
وطريقتك في الكتابه ما شوفتش زيها لغايه دلوقتي ولا هشوف ..
كملي يا بنيتي الصغيره .. :)

إرسال تعليق

 
2009 خناقات بنات Powered by Blogger
Blogger Templates created by Deluxe Templates
Wordpress by Ezwpthemes. تعريب و تطوير : حسن