RSS
أهلاً و سهلاً بكم في نشراتنا الإخبارية لخناقات البنات ... كل خناقة و فيها رسالة أتمنى توصلكم ... و نتمنى لكم خناقات آمنه ... مع تحيات ... بنوتة

الأحد، 15 أغسطس 2010

نعم ؟؟ .. ج2

فاكرين طبعاً
مش هاتكلم
و هاطلع أجري حاااااااااااالاً
و انتو مع نفسكوا
بس ابقوا طمنوني عليكو بس


--------------------------------------------------


- طبعاً البت الخناقاتية المفترية س متنحة من الكائن اللي أدامها اللي فاكر نفسه سيادة العتريس المتعترس اللي مش ناوي يسيب الكرسي -


نعم ؟؟؟؟


خير يا آنسة في حاجة و للا إيه ؟


انت بتستهبل يا بتاع انت و للا بتسعبط ؟
هو إحنا تحت أمرك و للا إيه ؟
امشي من أدامي أحسنلك و إلا أنا مش مسئولة عن اللي هيجرالك


ليه بس كده ده احنا يا دوب هنقعد في الكافية بس نص ساعة و نقوم على طول


و أنا قولت لأ مش نازلة
عندك البتاعة اللي كانت مدبرة الموضوع و انقلعوا انتو
و انتي يا سها و ربنا لهوريكي بس صبرك عليا


الله الله .. ليه بس كده ؟
دي كانت بس قصدها خير


خير ؟؟؟
و هو انت شكلك ييجي من وراك خير ؟


نعم ؟؟
إنتي هتعكي و للا إيه ؟


و انت مالك انت أعك و للا أظبط
مش كفاية انك حشرت مناخيرك .. استحمل بقى اللي يجرالك


نعم ؟؟


إيه نعم نعم دي ؟
إيه ؟ مبتسمعش ؟  و للا مبتفهمش ؟؟


نعم ؟؟


تاني ؟؟


إيه ؟؟


لا بقى ده انت كده ....
طب و الله لتشوف على إيدي
تعالالي بقى
- يا خراشي .. البت بتطلع إزازة برفان من بتوع سها صاحبتها و بتحدفها ع الغلبان -
طاخ طيخ طوخ طاااااااااااااخ


آي
إيه يا مفترية ده ؟


مفترية ؟
هو انت لسه شوفت حاجة
طب و الله لتشوف


طب بس بس بس


نعم ؟


فيها إيه دي ؟ بقولك بس
أنا ماشي
بس الأول عايز أعرف حاجة


نعم ؟؟ هتكمل استهبال ؟؟


لا و الله
بس ممكن تقوليلي العنوان ؟؟


عنوان إيه ؟؟


أكيد مش عنوان المول يا أستاذة افترا المفترية
هم بصراحة عنوانين
عنوان المحل اللي جبتوا منه إزازة البرفان ده


أفندم ؟؟


آه محل البرفانات
أصل بجد ريحة البرفان دي حلوة
و ممكن أجيب منه هدية لواحدة كده في بالي


الدور اللي فوق تاني محل على الشمال جنب سلم الكهربا


اللي طالع و للا اللي نازل ؟


لأ اللي نازل


تمام أوي ميرسي جداً
ممكن بقى العنوان التاني ؟


عنوان إيه ؟؟


عنوان بيتكو


نعم ؟؟؟

3 التعليقات:

غير معرف يقول...

هههههههههه
ابئى قوليلى انا كمان ع العنوانين يااوجا ينوبك ثواب

بنـوتــــة يقول...

عيني
المحل في الدور اللي فوق اللي جنب المحل اللي هم أدامه

العنوان التاني بقى
تخرجي من المول تمشي شمال تخليكي ماشية
- حاااااااااااااااااااااسبييييييييييييي -
اهئ اهئ اهئ
مش تخلي بالك
كده تسيبي العربية تخبطك في التقاطع
- بعد الشر عليكي طبعاً -

بنـوتــــة يقول...

الله أكرم
و انتي بكل صحة و هنا و خير
^ـ^

إرسال تعليق

 
2009 خناقات بنات Powered by Blogger
Blogger Templates created by Deluxe Templates
Wordpress by Ezwpthemes. تعريب و تطوير : حسن